Boetiek olyf olie?

GROEN VESELPERSKE ATJAAR

Jy benodig:

2 kg groen veselperskes

1 Kwart koppie suiker

2 teelepels sout

1 teelepel komein saad  

2 teelepels kardamon sade

1 teelepel papawer saad

1 teelepel fyn rooi chillie poeier

Kwart teelepel mostert

Twee koppies goeie olyfolie

So maak mens:

Was veselperskes en droog liggies. Sny met skil in fyn skywe van ongeveer 4 mm dik

Maak sade  fynerig in ‘n vysel.

Plaas die veselperske in ‘n glasbak in erg gesoute water en los vir een uur daarin. Dreineer en laat op papier handdoek effe afdroog.

Meng alles in ‘n glasbak. Plaas in vlekvrye staal kastrol en laat tot dit begin prut.

Sodra dit begin prut, verwyder van stoof en bottel in skoon bottels.

Seël die bottels en laat staan vir ten minste een week.
NASKRIF:
Hierdie besending veselperskes was ietwat te ryp en dus is die resultaat 'n bietjie soeter.

Waarskuwing

Ek het Scotch peppers persent gekry en dit toe ingele in wyn en geursel... maar vergeer om die pitte uit te haal. Die konkoksie brand soos die hel.
Moenie die pitte vergeet nie!